Lowasa Atinga Mahakamani Kufuata Dhamana ya Mbowe na Viongozi Wengine wa Chadema

Lowasa Atinga Mahakamani Kufuata Dhamana ya Mbowe na Viongozi Wengine wa Chadema
MWENYEKITI wa Chama Cha Demokrasia na Maendeleo (Chadema), Freeman Mbowe na viongozi wenzake watano wa chama hicho wamerejeshwa tena katika Mahakama ya Kisutu, Dar leo Machi 29, 2018 asubuhi ili kuendelea na kesi inayowakabili.

Mbowe na wenzake wamefikishwa mahakamani hapo wakitokea mahabusu ya Segerea ambapo wanakabiliwa na mashtaka manane yakiwemo kufanya maandamano yaliyosababisha kifo cha mwanafunzi wa Chuo cha NIT, Akwilina Akwiline, Feb 16 mwaka huu, uasi na kuhamasisha chuki.

Baada ya viongozi hao kufikishwa mahakamani hapo, Mjumbe wa Kamati Kuu ya Chadema, Edward Lowassa na viongozi wengine wa chama hicho walifika mahakamni hapo ili kusikiliza kesi hiyo na kufanya jitihada za kuomba dhamana kwa watuhumiwa hao leo.

Viongozi wengine waandamizi wa chama hicho wanaoshtakiwa katika kesi hiyo ni: Katibu Mkuu Dkt Vincent Mashinji, John Mnyika, Salum Mwalimu, Mch. Peter Msigwa na Ester Matiko ambapo wote wamefikia kwenye chemba ya mahakama panaposikilizwa kesi hiyo.

HABARI HIZI ZINAPATIKA UDAKU SPECIAL APP BONYEZA HAPA UWE NAYO KWENYE SIMU YAKO

Loading...

Lowasa Atinga Mahakamani Kufuata Dhamana ya Mbowe na Viongozi Wengine wa Chadema Lowasa Atinga Mahakamani Kufuata Dhamana ya Mbowe na Viongozi Wengine wa Chadema Reviewed by Udaku Special on March 29, 2018 Rating: 5

No comments:

Powered by Blogger.