9/19/2020

Jafo Aahidi Kutoa Kipaumbele Kwa Waliosoma nje



Waziri wa Nchi Ofisi ya Rais Tawala za Mikoa na Serikali za Mitaa (TAMISEMI), Selemani Jafo, amesema kuwa atahakikisha watanzania waliosoma nje wanapewa kipaumbele katika suala la kupata ajira serikalini

Jafo amesema hayo leo, Septemba, 19,2020,  wakati anahutubia katika Mahafali ya Kimataifa ya wahitimu waliosoma nje yaliyofanyika Mlimani City Jijini, Dar es salaam, ameahidi kuwapigia debe vijana hao na kuhakikisha katika nafasi walizotoa wanashughulikiwa.

"Nikuhakikishieni tutajitahidi kwa kadri tutakavyotangaza nafasi za ajira, wasomi waliosoma nje kwa ada za wazazi waliohangaika lazima watapata kipaumbele" amesema Waziri Jafo.

Aidha Jafo ameusifu utaratibu wa kuwapeleka vijana kwenda kusoma nje kuwa ni utaratibu  utaokasaidia nchi kupanda kiuchumi, "Kwa utaratibu huu kama tukijipanga vizuri kwa pamoja serikali na sekta binafsi kwa pamoja yale malengo ya nchi yetu kuzidi kupaa kiuchumi yatafikiwa".

HABARI HIZI ZINAPATIKANA KWENYE APP YA UDAKU SPECIAL, BONYEZA HAPA KUIDOWNLOAD KWENYE SIMU YAKO
Share:
Loading...

0 Blogger:

Post a comment

Loading...

Popular Posts

Copyright © UDAKU SPECIAL BLOG | Powered by Blogger