10/09/2020

Bweni la shule laungua

 


Bweni la shule ya sekondari ya Kiislam ya African iliyoko maeneo ya Kaloleni mkoani Kilimanjaro, limeteketea kwa moto usiku wa kuamkia leo Oktoba 9, 2020, na kwamba hii ni mara ya tatu kwa shule hiyo kuungua.

 

Akizungumza leo Oktoba 9, 2020, kwenye kipindi cha SupaBreakfast cha East Africa Radio, Mkaguzi wa Jeshi la Zimamoto na Uokoaji mkoani Kilimanjaro, Inspekta Jeremiah Mkomagi, amesema kuwa walipata taarifa za moto huo majira ya saa 1:40 usiku na mpaka wanafika eneo la tukio moto ulikuwa umeshika sehemu kubwa ya bweni.


"Tulipata wito kwamba kuna moto katika shule ya sekondari ya African Muslim na tulipofika tukakuta moto ni mkubwa sana na ni jengo la bweni la ghorofa moja na moto ulikuwa umeanzia kwenye moja ya chumba ambacho kinatumika kama stoo", amesema Inspekta Jeremiah.


Aidha Inspekta Jeremiah ameongeza kuwa "Kwenye tukio hilo hakuna majeruhi wala kifo kwa sababu wanafunzi waliondolewa mapema na kupelekwa sehemu salama, vitu vilivyoungua ni nguo zao, vitanda na madaftari, chanzo hakijabainika kwa sababu kumekuwa na mlolongo wa shule kuungua na hii ni mara ya tatu".


HABARI HIZI ZINAPATIKANA KWENYE APP YA UDAKU SPECIAL, BONYEZA HAPA KUIDOWNLOAD KWENYE SIMU YAKO
Share:
Loading...

0 Blogger:

Post a comment

Loading...

Popular Posts

Copyright © UDAKU SPECIAL BLOG | Powered by Blogger