AJIRA ZA UHAKIKA NJE NJE, BONYEZA HAPA
By Haji Mtumwa, Mwananchi hmtumwa@mwananchi.co.tz
Unguja. Jeshi la Polisi Mkoa wa Mjini Magharibi kisiwani Zanzibar limesema limelazimika kutumia mabomu ya machozi katika baadhi ya maeneo kutokana na uwepo wa viashiria vya uvunjifu wa amani.
Limesema waliokamatwa ni waliochoma matairi na kuyaweka katikati ya barabara na waliokwenda katika vituo vya kupigia kura wakati leo wanaoruhusiwa kupiga kura ni makundi maalum wakiwemo askari wa vikosi vya ulinzi na usalama pamoja na kuyashambulia kwa mawe magari ya polisi.
Hayo yameelezwa leo Jumanne Oktoba 27, 2020 na Kamanda Polisi wa Mkoa huo, Awadh Juma Haji wakati akizungumza na Mwananchi Digital.
Amesema mbali ya matumizi ya mabomu hayo, wanawashikilia baadhi ya vijana waliodai kuhusika katika matukio hayo.
Amebainisha kuwa vijana hao wanatuhumiwa kuchoma moto matairi ya magari na kuyaweka katikati ya barabara na maeneo mbalimbali kinyume na sheria, kuyashambulia kwa mawe magari ya askari polisi waliokuwa katika doria huku wakijua kuwa kazi ya polisi ni kusimamia amani na utulivu.
Amesema walilazimika kutumia mabomu ya machozi kuwatawanya wananchi waliofika katika vituo vya kupigia kura kwa lengo la kupigakura wakati wakijua leo wanaohusika katika shughuli hiyo ni makundi maalum.
NAFASI ZA AJIRA
JIUNGE NA AJIRA YAKO TELEGRAM GROUP HAPA
GOODLUCK
.png)
.jpg)
