AJIRA ZA UHAKIKA NJE NJE, BONYEZA HAPA
MSAFARA wa wahamiaji kutoka Amerika Kusini uliokuwa ukielekea nchini Marekani umekutana na virungu na gesi za kutoa machozi nchini Guatemala, ambako vikosi vya usalama vilifunga njia yao ya kupita kuelekea Marekani.
Maelfu ya watu walizuiwa kwenye barabara karibu na mpaka wa Guatemala na Honduras, ambako serikali nchini humo imesema msafara huo ulivunja sheria za nchi hiyo.
Wahamiaji wanaokadiriwa kuwa 7,000 wengi wao kutoka Honduras, wameingia Guatemala katika siku za hivi karibuni, wakikimbia umasikini na ghasia, lengo lao ikiwa ni kusafiri hadi Mexico, na baadaye kuufikia mpaka wa Marekani.
Kila mwaka, maelfu ya wahamiaji wa Amerika ya Kati hujaribu kufika Marekani, mara nyingi, kwa hutembea kwa miguu.
Rais mteule wa Marekani, Joe Biden, kutoka chama cha Democrat, ameapa kuondoa sera kali za uhamiaji zilizowekwa na mtangulizi wake, Donald Trump, kutoka Republican.
Lakini utawala wa Biden, ambao utachukua mamlaka Jumatano, umewaonya wahamiaji kutofanya safari hizo kwa sababu sera za uhamiaji hazitabadilishwa haraka.
NAFASI ZA AJIRA
JIUNGE NA AJIRA YAKO TELEGRAM GROUP HAPA
GOODLUCK
.png)
.jpg)
