Ticker

6/recent/ticker-posts
.

Marehemu Mfugale Kuzikwa Julai 5 Mkoani Iringa

 


HABARI HIZI ZINAPATIKANA  KWENYE APP YA UDAKU SPECIAL, BONYEZA HAPA KUIDOWNLOAD KWENYE SIMU YAKO BURE

 


Mwili wa aliyekuwa  Mtendaji Mkuu wa Wakala wa Barabara Tanzania (TANROADS), Mhandisi Patrick Mfugale utazikwa  Julai 5, 2021 nyumbani kwake Ifunda mkoani Iringa.

Mfugale alifariki dunia Jumanne Juni 29, 2021 saa 5 asubuhi katika Hospitali ya Benjamin Mkapa jijini Dodoma.

Kwa mujibu wa ratiba ya mazishi, mwili wa Mfugale unatarajiwa kusafirishwa kwenda jijini Dar es Salaam Alhamisi Julai Mosi, 2021 ukitokea Dodoma na kupelekwa katika Hospitali ya Jeshi Lugalo.



Ijumaa Julai 2, 2021 mwili utatolewa hospitalini hapo na kupelekwa viwanja vya Karimjee ambapo wafanyakazi wa Tanroads na Wizara ya Ujenzi na Uchukuzi watatoa heshima zao za mwisho kisha utapelekwa Kimara Temboni nyumbani kwake.

Baada ya misa takatifu siku ya Jumamosi Julai 3, 2021 mwili wa Mfugale utasafirishwa kwenda Ifunda mkoani Iringa ambapo unatarajiwa kuwasili Julai 4 na maziko yatafanyika Julai 5, 2021 nyumbani kwake Ifunda

Post a Comment

0 Comments