Naibu Spika Wa Bunge, Tulia Ackson Mwansasu Jana Alizomewa na Wabunge wa UKAWA Baada Ya Kushindwa Kujibu Swali

 AJIRA ZA UHAKIKA NJE NJE, BONYEZA HAPA

Naibu Spika, Dk. Tulia Ackson, amekalia kiti hicho kwa kuanza kuonja 'joto la jiwe' baada ya kushindwa kujibu swali lililomtaka aeleze muda gani aliojiunga na Chama cha Mapinzuduzi (CCM) huku akikumbana na zomea zomea kali kutoka kwa wabunge wa vyama vya upinzani.

Mtafatuku huo uliibuka ndani ya Ukumbi wa Bunge mjini Dodoma jana, wakati Dk. Tulia alipokuwa akijinadi kwa wabunge kabla ya kufanyika kwa Uchaguzi wa Naibu Spika.

Nafasi hiyo ilikuwa ikiwaniwa pia na Mbunge wa Kaliua (Cuf), Magdalena Sakaya, ambaye kura 101 alizopigiwa hazikutosha kumfanya akalie kiti hicho dhidi ya Dk. Tulia aliyepata kura 250.

Hata hivyo, swali lilosababisha bunge hilo kuvurugika lilitoka kwa Mbunge wa Tarime Mjini, Esther Matiko (Chadema), ambaye alimtaka Dk. Tulia atoe ufafanuzi muda wa uanachama wake ndani ya chama hicho, na kama mtumishi wa serikali ataje siku aliyotangaza kuachia ngazi na kujiunga na CCM kwani sheria na kanuni za utumishi wa serikali inamzuia kujiunga na chama chochote cha siasa.

“Nakuomba utulieleze sisi wabunge kwa kuwa wewe ulikuwa Naibu Mwanasheria Mkuu wa Serikali na kwa mujibu wa sheria inafahamika wazi kuwa mtumishi wa serikali hasa katika ngazi yako hukutakiwa kuwa mwanachama wa chama cha siasa. Tunaomba utuambie lini ulijiunga na CCM, hasa kwa ukizingatia hivi karibuni ulisimamia kesi ya mita 100,” aliuliza Matiko.

Swali hilo lilimfanya Spika Job Ndugaye ambaye alikuwa akiendesha kikao hicho kuwauliza wabunge kama linafaa kujibiwa. Wabunge hasa wa upinzani walijibu kwa sauti kwamba hilo ni swali na linapaswa kujibiwa.

“Mheshimiwa Dk. Tulia haya jibu swali hilo,” Ndugai alimtaka kujibu.

Dk. Tulia wakati akijibu alionekana kutumia muda mwingi kufafanua vifungu vya katiba na sheria vinavyozungumzia zuio hilo, jambo ambalo wabunge wa kambi ya upinzani walionekana kutoridhika nalo.

“Kama ulivyosema mimi ni mwanasheria, katiba nimeisoma, sheria zinazozungumzia utumishi wa umma nimezisoma na kanuni zake nimezisoma…nasema hivi kanuni nimezisoma, sheria nimezisoma,” alisema na kukatishwa na sauti za wabunge zikimtaka kujibu swali.

Kutokana na hali hiyo, Spika Ndugai aliingilia kati kwa kuwaomba wabunge kuacha kumzonga mgombea na vizuri wangemsikiliza kama walivyofanya wakati Sakaya akijinadi.

“Mheshimiwa spika yapo makundi matatu ya watumimishi wanaokatazwa kuwa wanachama na vyama vya siasa, kwanza ni wanajeshi ambao ni polisi na wanao…,” alijibu Dk. Tulia na kukatishwa na zomeazomea kutoka kwa wabunge.

Hata hivyo, Spika Ndugai alisimama na kumuamuru Katibu wa Bunge kuendelea na taratibu za uchaguzi.

Baada ya uchaguzi, Katibu wa Bunge, Dk. Thomas Kashilillah, alimtangaza Dk. Tulia mshindi baada ya  kupata kura 250 sawa na asilimia 71.2 wakati  Sakaya akipata kuta 101 ambazo ni sawa na asilimia 28.8 za kura zote.

Alisema wabunge wote waliosajiliwa walikuwa 369, lakini  idadi ya waliopiga kura ni 351.

Kutokana na matokeo hayo, Spika Ndugai alimtangaza Dk. Tulia kuwa Naibu Spika wa Bunge hilo na kumuapisha rasmi kuanza kazi yake hiyo mpya. ----

Utamu wa audio book ya SIRI YA PADRE NA MKE WANGU hauna mfano, sikiliza Sehemu ya 1 bure, Sehemu ya 2 Tsh 2000 tu

Nusu ya mapato ni kwa ajili ya wagonjwa wasiojiweza, Lipia uburudike huku ukitoa sadaka Safi,ni www.makapedia.com au bofya kitabu hapo chini:

 

-------------------

NAFASI ZA AJIRA 

JIUNGE NA AJIRA YAKO TELEGRAM GROUP HAPA

INTERNSHIP VACANCIES

GOVERNMENT VACANCIES

NGO'S VACANCIES 

GOODLUCK