Mtayarishaji wa muziki wa Touchez Sound, Mr Ttouch amewataka wanaobeza uamuziki wake wa kumsaini rapa Young Dee kusibiri kuona ni nini atakifanya kwa rapa huyo machachari.
Akiongea katika kipindi cha eNewz cha EATV Jumanne hii, Mr. T Touchez amedai baada ya kutangaza kuwa amemsaini msanii huyo maneno yamekuwa mengi huku wengi wakimponda kuwa hawezi kufanya maajabu makubwa kwa sababu yeye siyo mtu wa kwanza kufanya kazi na msanii huyo.
“Kwanza ukiachana na mimi kumsaini D yule msanii ana historia kubwa kimuziki. Mimi hata kabla sijakutana alishawahi kuwa na kazi nzuri sana. Hata nilipoamua kufanya naye project nilijua huyu msanii siyo feki kwa hiyo nawaambia watu wa- relax” Alisema Touchez
Aidha Touchez ameongeza kwamba watanzania waendelee kumuamini kwani umebaki muda mfupi wa kuachia wimbo aliomtengenezea msanii huyo ambao ndiyo utakuwa majibu ya kuwafunga midomo watu wote.
Young D ambaye kwa sasa anatamba na ngoma za Furaha pamoja na Young Daddy, amepata usajili kwa Touchez Sound baada ya kutofautiana na meneja wake wa kwanza Max kutoka MDB kwa madai ya msanii huyo kurudi kwenye matumizi ya madawa ya kulevya.
.webp)
.jpg)