Mwamuzi Aliyevurunda Pambano la Mandonga Asimamishwa

AJIRA ZA UHAKIKA NJE NJE, BONYEZA HAPA

Mwamuzi Habib 'Mkarafuu' Mohammed aliyechezesha pambano la Karim 'Mandonga' Said na Salim Abeid amesimamishwa.

Mkarafuu ambaye ni Mwenyekiti wa Chama ca waamuzi wa ngumi za Kulipwa nchini ameondolewa kwenye orodha ya waamuzi kwa muda baada ya kukiri kushindwa kumudu kuchezesha pambano hilo lililopigwa Usiku wa kuamkia Jumapili mkoani Mtwara.

Matokeo ya pambano hilo yalifutwa na rais wa Kamisheni ya ngumi za kulipwa Tanzania (TPBRC), Chaurembo Palasa baada ya mwamuzi kuonyesha kutolimudu baada ya Mandonga kupigwa na kudondoka chini lakini hakumhesabia kama kanuni zinavyotaka hadi aliponyanyuka.

Katibu wa Chama cha waamuzi wa ngumi za kulipwa, Emmanuel Mlundwa amesema mwamuzi huyo ametakiwa kurudi darasani kabla ya kuruhusiwa kuendelea na majukumu ulingoni.

Amesema rais wa TPBRC hakukosea kufuta matokeo kwa kuwa kama yangeingizwa kwenye rekodi, mtandao wa ngumi za kulipwa wa dunia (Boxrec) ungehitaji video zake kwanza.

"Hivyo ingeleta mtizamo hasi kwenye ngumi zetu, lakini kama Chama tumejiridhisha kuwa kulikuwa na makosa mengi ya kiuamuzi kwenye pambano hilo, huenda yamechangiwa na waamuzi wetu kukaa muda mrefu bila kushiriki kwenye kozi mbalimbali na ndicho kimetokea kwa Mkarafuu," amesema Mlundwa.

Amesema kutokana na makosa hayo, Chama kimemsimamisha mwamuzi huyo kuchezesha pambano lolote hadi atakaporudi darasani kuongeza ujuzi kwenye kozi za waamuzi miezi miwili ijayo," amesema.

Mwamuzi huyo ameridhia adhabu hiyo na kukiri kushindwa kumudu pambano hilo ambalo alidai uamuzi wake ulitokana na makosa ya kibinadamu.

Dady Joseph

20h

asa kosa liko wapi jamani au ndo kukoseshana ugali TU Mandonga mtu kazi tumkubali sana wanannchi na huyo kocha mbona alikuwa sahihi

Jibu

majibu 2

EmmanuelKisambiMesso

hakua na makosa alie sababisha asimuhesabie ni mpinzani baada ya kumpiga KO mandonga alitaka kuendelea kumshambulia, mwamzi ikabid amzuie, mda huo mandonga akapata nguvu akanyenyuka, kwahiyo kosa la mpinzanZaidi

Jibu

jibu 1

Dady Joseph

ticha jitete kama mandonga anavyo jiteteaga sio inakubali kiraahisi tu

Jibu

Toa maoni yako

A small investment every month can change your life

www.thebalance.com

Sponsored

by Taboola

Unaweza kuwapenda watu

Mwanamke Mkenya Anayefanya Kazi Misri Auawa kwa Kukataa Penzi la Mtoto wa Bosi