Serikali ya Marekani Yakataza Raia Wake Kwenda Uganda Kisa Ushoga

AJIRA ZA UHAKIKA NJE NJE, BONYEZA HAPA

Serikali ya Marekani imewaonya raia wake dhidi ya kusafiri kwenda Uganda kufuatia Uganda kupitisha sheria kali dhidi ya wapenzi wa jinsia moja hivi majuzi.

Hatua hiyo inajiri wiki mbili baada ya Rais wa Uganda Yoweri Museveni kuridhia sheria hiyo yenye utata licha ya onyo kutoka kwa viongozi wa dunia na wanaharakati wa haki za binadamu.

Katika taarifa iliyotolewa na idara ya mashauri ya nje na kuwekwa kwenye tovuti ya Ubalozi wa Uganda, serikali ya Marekani ilisema kuwa sheria hiyo ni tishio kwa wasafiri wa LGBTQI .

Ilionya kwamba wasafiri wanaweza kukabiliwa na mashtaka, kifungo cha maisha au hukumu ya kifo.

Ilani hiyo ya ngazi ya tatu ya usafiri inawataka wasafiri kufikiria upya kuhusu kwenda Uganda na kwamba wanaweza kuwa waathiriwa wa mashambulizi ya makundi hatari .

Wale wanaounga mkono haki na maisha ya LGBTQI + wanaweza pia kufunguliwa mashtaka na kukabiliwa na kifungo cha muda mrefu.

Sheria ya Uganda ya kupinga mapenzi ya jinsia moja ya mwaka 2023 imelaaniwa na kuzingatiwa kuwa moja ya sheria kali zaidi za kupinga mapenzi ya jinsia moja duniani.

Sheria hiyo inatoa faini na na kifungo cha kuanzia miaka 14 hadi kifungo cha maisha hadi adhabu ya kifo kwa kesi zinazozingatiwa kuendeleza mapenzi ya jinsia moja .

----

Utamu wa audio book ya SIRI YA PADRE NA MKE WANGU hauna mfano, sikiliza Sehemu ya 1 bure, Sehemu ya 2 Tsh 2000 tu

Nusu ya mapato ni kwa ajili ya wagonjwa wasiojiweza, Lipia uburudike huku ukitoa sadaka Safi,ni www.makapedia.com au bofya kitabu hapo chini: