AJIRA ZA UHAKIKA NJE NJE, BONYEZA HAPA
Naibu Spika Tulia Ackson, ambaye katika vikao vya Bunge anatakiwa kusimamia mijadala kwenye chombo hicho cha kutunga sheria, jana alizua kizaazaa baada ya kumuelezea mbunge wa Kilwa Kusini (CUF), Selemani Said Bungara kuwa ni bwege, akimtaka aache kuonyesha hali hiyo.
Kwa mujibu wa toleo la pili la Kamusi ya Kiswahili Sanifu (Oxford) la mwaka 2004, neno bwege linamaanisha “mtu mjinga, mpumbavu, bozi, fala gulagula”.
Kitendo cha kutumia neno bwege kumuelezea mbunge huyo kilisababisha wapinzani wacharuke, na kuibua bungeni kesi ya mtu aliyefunguliwa mashtaka mkoani Arusha kwa kosa la kumuelezea Rais John Magufuli kuwa ni bwege.
Bila ya kuruhusiwa, mmoja alifungua kipaza sauti na kusema: “Hatimaye msamiati wa bwege watua bungeni sasa kutumika rasmi. Futa lugha ya kuudhi; bwege bwege.”
Hata hivyo, wabunge hao wa upinzani hawakushinikiza Dk Tulia kufuta kauliz yake, lakini baadaye wakiwa nje ya ukumbi waliponda kitendo hicho cha kiongozi huyo wa Bunge ambaye aligombea uspika kwa tiketi ya CCM kabla ya kujitoa na muda mfupi baadaye kuteuliwa na Rais Magufuli kuwa mbunge na hivyo kupata sifa ya kugombea nafasi hiyo ya naibu spika.
Dk Ackson aliamsha tafrani hiyo saa 5:48 asubuhi baada ya Bungara, ambaye ni maarufu kwa jina la Bwege, kusimama bila kufuata kanuni za Bunge, kupinga maelezo ya Waziri wa Habari, Nape Nnauye juu ya uamuzi wa Serikali kusitisha shughuli za Bunge kurushwa moja kwa moja na vituo vya televisheni nchini.
“Na wewe Mheshimiwa Bwege, hebu kaa chini. Usionyeshe ubwege wako hapa,”alisema Dk Ackson kumzuia mbunge huyo asiendelee kuzungumza wakati mjadala ukianza kuwa mkali.
Mjadala huo uliendelea bila ya wapinzani kuhamaki, lakini baada ya Nape kutoa taarifa akieleza kuwa uamuzi wa kuanzisha studio za Bunge ulifanywa na Bunge la Kumi ambalo yeye hakuwamo, ndipo wapinzani walipokumbusha kauli hiyo ya naibu spika.
Utamu wa audio book ya SIRI YA PADRE NA MKE WANGU hauna mfano, sikiliza Sehemu ya 1 bure, Sehemu ya 2 Tsh 2000 tu
Nusu ya mapato ni kwa ajili ya wagonjwa wasiojiweza, Lipia uburudike huku ukitoa sadaka Safi,ni www.makapedia.com au bofya kitabu hapo chini:
NAFASI ZA AJIRA
JIUNGE NA AJIRA YAKO TELEGRAM GROUP HAPA
GOODLUCK
.png)
.jpg)
Naye Tuli aache
ReplyDeleteKikwapa hakinuki siku hizi
Fyuuu
Umri, uzoefu bungeni
ReplyDeletena jinsi aliyochaguliwa kuwa mbuge na rais na kuingia bungeni hivi ndiyo vinampa jeuri
ccm
Ndugu zangu Mimi kwa upeo wangu mzigo nilionao kwa sikosei..BUNGE LINA HWSHIMA YAKE..NA WANAO INGIA WAITWA WAHESHINIWA..KWA HIYO NAOMBA KWANZA TUJIHESHIMU SISI WENYEWE KABLA HATTUJAINGIA NA TUNAPOINGGIA TUJUIE TUNAWAJIBIKAJE KWA WANANCHI WALIOTICHAGUA NA NNAPASWA KUTOA MCHANGO GANI ILI NIWEZE KUWATIMIKIA WALIONICHAGUA NA MUNGU ARIDHULE NA MIMI KATIKA MILIYOYAFANYA KULETA MAENDELEO NA KUONDDOA /KUPINGUZA ADHA ZA WANANCHI...TUWE HIVYO MDUGU ZANGU HAPA KAMBI KILE KAMBI NINI YOTE SIASA ..TUTACHELEWA KUFIKA.....
ReplyDelete