Serikali Yatumia Zaidi ya Bilioni 83 ununulia Korosho

AJIRA ZA UHAKIKA NJE NJE, BONYEZA HAPA

Serikali imesema mpaka sasa imelipa zaidi ya shilingi bilioni 83 kwa wakulima wa korosho katika mikoa ya Lindi, Mtwara, pamoja na Ruvuma huku zaidi ya wakulima 82,835 kutoka mikoa hiyo wakiwa wamepatiwa fedha zao.

Kwa mujibu wa Waziri wa Kilimo, Japhet Hasunga Jumla ya fedha iliyolipwa kwa wakulima hao ambao tayari wamefanyiwa uhakiki katika Mkoa wa Mtwara pekee ni 50,835, Lindi wakulima 22,131 na Mkoa wa Ruvuma ambao takribani wakulima 9,445 wamelipwa.

Akizungumza kwenye mkutano wa wabanguaji wadogo wa korosho wa mikoa mitano ya Mtwara, Lindi, Ruvuma, Pwani na Morogoro, Waziri Hasunga amesema jumla ya vyama 328 vimefanyiwa uhakiki ambapo kati ya vyama 504 vilivyopo katika mikoa ya Mtwara, Lindi na Ruvuma, jumla ya vyama 319 vimekwishalipwa.

Waziri Hasunga amesema kuwa kikao hicho kina lengo la kujadiliana na kukubaliana utaratibu uliopangwa na serikali katika ubanguaji wa korosho mwaka 2018/2019 kwa kuelekeza ubanguaji kufanyika nchini ili kuwanufaisha wananchi katika ajira hiyo.

“Tumeiona changamoto ya mitaji kwa wabanguaji wadogo nchini sambamba na wabanguaji wakubwa hivyo ili serikali iwarahisishie upatikanaji wa mitaji tumeamua kuwapa kazi nyinyi wenyewe,” amesema Japhet Hasunga.

Aliongeza kuwa swala la uhakiki limejikita zaidi kubaini udanganyifu unaofanywa na baadhi ya wahujumu wa biashara ya korosho, “kuna watu walikuwa wametoa akaunti za benki lakini zinatofautiana na majina ya watu waliowasilisha korosho zao kwenye maghala ya kuhifadhia”.

“Tulipoona soko la korosho linayumba huku lengo la serikali likiwa ni kutaka kuonana wakulima wananufaika tuliamua kuingilia kati na kuanza kununua korosho zote na kwa kwenda mbele zaidi tumeamua kubangua korosho zote hapa hapa nchini”.
----

Utamu wa audio book ya SIRI YA PADRE NA MKE WANGU hauna mfano, sikiliza Sehemu ya 1 bure, Sehemu ya 2 Tsh 2000 tu

Nusu ya mapato ni kwa ajili ya wagonjwa wasiojiweza, Lipia uburudike huku ukitoa sadaka Safi,ni www.makapedia.com au bofya kitabu hapo chini: