Mkutano wa Mbatia Wazuiwa, Asema...

AJIRA ZA UHAKIKA NJE NJE, BONYEZA HAPA

Dar es Salaam. Mgogoro wa NCCR Mageuzi umeibuka kwa sura tofauti baada ya aliyekuwa Mwenyekiti wa chama hicho, James Mbatia kuzuiwa kufanya mkutano wake na waandishi wa habari.

Jana Jumamosi, mkutano mkuu wa dharura wa Kamati Kuu ya NCCR Mageuzi uliofanyika jijini Dodoma, uliazimia kumvua uenyekiti na uanachama Mbatia na wenzake.

Kuvuliwa kwake uanachama kulianza na kusimamishwa kufanya shughuli zote za chama hicho, uamuzi uliofanywa Mei 21, 2022 na Halmashauri Kuu ya NCCR-Mageuzi.

Katika hali ya kujibu uamuzi wa jana wa chama hicho, Mbatia aliitisha mkutano na waandishi wa Habari katika Hoteli ya Regency Park, Mikocheni jijini Dar es Salaam, leo Jumapili, Septemba 25,2022 kabla ya kuzuiwa kufanya hivyo.

Alipofika hotelini hapo saa 7:07 mchana, mmoja wa maofisa wa hoteli hiyo alimwambia amepokea maelekezo ya kusitisha mkutano huo, hivyo haruhusiwi kufanya tena.

Mbatia aliomba taarifa hiyo kwa maandishi na baada ya kupewa,hwaandishi wa habari walitakiwa kutopanda ghorofa ya nane, mahali palipopangwa kufanyika mkutano huo.

Badala yake, walitakiwa kuondoka eneo hilo, Mbatia aliposhuka chini kutoka ghorofani alitaka kufanya mkutano huo katika eneo hilo ambako pia alizuiliwa na ofisa huyo wa hoteli.

Baadaye, aliamua kufanya mkutano huo nje ya ukuta wa hoteli hiyo ambapo huko alifanikiwa.

Katika mazungumzo yake, Mbatia amesema anashangazwa na uamuzi wa kuzuiwa akidokeza kabla ya zuio hilo alishapigiwa simu na mamlaka kutakiwa ahirishe mkutano huo.

"Tumeambiwa kwamba wenye mamlaka za juu wamewaagiza (Regency Park Hotel) wasituruhusu kufanya mkutano hapa na mimi kabla sijafika hapa, nilipigiwa simu kwamba tuusitishe," amesema Mbatia.

----

Utamu wa audio book ya SIRI YA PADRE NA MKE WANGU hauna mfano, sikiliza Sehemu ya 1 bure, Sehemu ya 2 Tsh 2000 tu

Nusu ya mapato ni kwa ajili ya wagonjwa wasiojiweza, Lipia uburudike huku ukitoa sadaka Safi,ni www.makapedia.com au bofya kitabu hapo chini: