Unyama! Binti Adaiwa Kumchinja Mama yake Akimtuhumu Kumuua Mwanae

AJIRA ZA UHAKIKA NJE NJE, BONYEZA HAPA

Juma Charles na mke wake Joyce Julius, wakazi wa kijiji cha Bunegezi Wilaya ya Geita wanashikiliwa na Jeshi la Polisi kwa tuhuma za kushirikiana kumuua mama mkwe wake Butamo Igenzelo (70) kwa imani za kishirikiana.

Habari zilizopatikana kutoka kijiji cha Bunegezi na kuthibitishwa na Kaimu Kamanda wa Polisi Mkoa wa Geita, Berthaneema Mlay zimeeleza kuwa tukio hilo lilitokea juzi Alhamisi Februari 22, 2023.

Akizungumza jana Ijumaa Februari 24, 2023, Kaimu kamanda huyo amesema uchunguzi wa awali umebaini kuwa marehemu Butamo ambaye ni mama mzazi wa Joyce aliuawawa kwa kukatwa na kitu chenye ncha kali shingoni.

“Bibi huyu alikatwa na kitu chenye ncha kali shingoni na kupoteza maisha kwa kuvuja damu nyingi; mwili wake umehifadhiwa kwenye chumba cha kuhifadhi maiti cha Hospitali ya Rufaa ya Mkoa Geita,” amesema kaimu Kamanda huyo

Amesema mauaji hayo yametokea wiki moja baada ya kifo cha mtoto wao ambapo bibi yake ambaye sasa pia ni marehemu alituhumiwa kuhusika na kifo hicho kwa imani za kishirikina.

Akizungumzia matukio ya mauaji yanayohusiana na imani za kishirikina, Juliana Maduhu, mkazi wa mtaa wa Igogo jijini Mwanza ameishauri jamii kuacha imani potofu zinazosababisha chuki, uhasama na mauaji.

“Ni jambo linalosababisha laana katika jamii watoto kuwauwa wazazi au wazazi kuwauwa watoto wao kwa imani za kishirikina. Nawaomba viongozi wa dini waongeze mafundisho ya kiimani kutokomeza vitendo hivi katika jamii,” amesema Juliana.

----

Utamu wa audio book ya SIRI YA PADRE NA MKE WANGU hauna mfano, sikiliza Sehemu ya 1 bure, Sehemu ya 2 Tsh 2000 tu

Nusu ya mapato ni kwa ajili ya wagonjwa wasiojiweza, Lipia uburudike huku ukitoa sadaka Safi,ni www.makapedia.com au bofya kitabu hapo chini: