Laliga na CAF zaipongeza Yanga Kuweka Rekodi ya Kutofungwa Michezo 49

 AJIRA ZA UHAKIKA NJE NJE, BONYEZA HAPA

LIGI Kuu ya Hispania(LaLiga) na Shirikisho la Mpira wa Miguu Afrika(CAF) zimeipongeza klabu ya Yanga kwa kuweka rekodi ya kutofungwa michezo 49 ya Ligi Kuu Tanzania Bara.

Taarifa ya Laliga imesema ligi hiyo inatoa pongezi za dhati kwa Yanga kwa kuwa klabu ya kwanza Tanzania kufikia rekodi hiyo.

“Hii ni rekodi pekee Tanzania na ukanda wa Afrika mashariki na Kati,” imesema LaLiga.

Nayo CAF imesema Yanga imeandika historia katika soka la Afrika kwa kuwa miongoni mwa timu tano barani humo kuwa na rekodi ndefu ya kutofungwa katika ligi.

ASEC Mimosas ya Ivory Coast inashikilia rekodi Afrika ya kutofungwa michezo 108 wakati Esperance de Tunis ya Tunisia ni ya pili michezo 85 huku APR ya Rwanda ikiwa ya tatu kwa michezo 50.

Yanga ni ya nne wakati miamba ya soka Afrika Al Ahly ya Misri ni ya tano ikiwa na rekodi ya kutofungwa mechi 46.

Yanga imepoteza mchezo uliopita wa ligi kuu dhidi ya Ihefu Novemba 29 hivyo kufikia tamati ya kutofungwa.

-------------------

NAFASI ZA AJIRA 

JIUNGE NA AJIRA YAKO TELEGRAM GROUP HAPA

INTERNSHIP VACANCIES

GOVERNMENT VACANCIES

NGO'S VACANCIES 

GOODLUCK